其實選擇適合自己主子嘅獸醫診所，除咗要睇返診所收費價錢外，亦要睇返診所地點，同醫生嘅互動溝通，護士嘅知識亦都好重要。
一般診所嘅收費診金大概$200 – $500不等，視乎醫生嘅資深程度、經驗及專業界限。如果涉及手術的話，收費會視乎手術複雜性及手術內收費內容，如需要進行手術或化驗，做任何決定之前最好咨詢一下大概價錢。
老土啲講：「平唔一定唔好，貴都唔一定好好。」最緊要係主人覺得放心同安心交俾所選擇嘅獸醫進行手術或治療。
診所的地點選擇亦都重要。因為要衡量診所外可唔可以停泊車輛，交通唔方便的話亦會影響寵物去該診所接受治療，所以都要考慮所選擇的診所附近周邊的配套，例如附近有無停車場或停車位置可停泊。
診所內的獸醫姑娘／護士同樣重要。因為如果診所姑娘／護士講解清楚會對客人有極大幫助。尤其是如果主治醫生語言是用外語的話，姑娘／護士主要職責就是與醫生及客人之間作出溝通和進行翻譯。
當有一啲醫學字眼或專有名稱時主人未必會清楚及認識，所以翻譯角色相當重要。主人當有任何不明地方即時發問，了解清楚每一樣療程每一種手術及每一樣收費，會否有突如其來的收費。
若果有護士解釋比較含糊的話，有幾個可能性：該護士對療程或手術內容唔清楚，或護士與醫生之間溝通出現問題導致解釋或講解含糊。所以作為一個主人一定要了解清楚，例如寵物在手術當中或麻醉當中出現問題時，診所職員有責任立即通知主人，並與主人解釋清楚情況。
主人選擇醫生之餘，診所內服務質素都重要，最緊要主人明白所有醫學護理由所選診所提供及準備。
除咗選擇口碑好嘅獸醫診所之外，每間診所可能不止一名主治醫生。作為主人該如何選擇？每位醫生都有不同專業知識，最簡單方法就是帶主子去做一個簡單身體檢查，與醫生溝通一下，了解日常護理方法等等…若醫生解釋得清楚主人明白就可以了。
但視乎適合與否的話一定要睇返診所會唔會有含糊訊息，會唔會不太主動了解寵物狀況，不太關心寵物及主人感受。所以主人選擇醫生要睇返該醫生對手術治療及護理療程解釋是否清楚為重要。
